Tunapokuwa na maswali kuhusu sheria zetu mbalimbali, tunawauliza wanasheria. Lakini ilipokuja maswali kuhusu sheria ya Musa, Mungu alimwelekeza nabii wake Hagai awaulize makuhani wa Israeli:

“BWANA wa majeshi asema hivi, Waulizeni sasa makuhani katika habari ya sheria…” (Hagai 2:11)

Unaweza kuwa unashangaa kwa nini Mungu hakumtuma Hagai kwa mmoja wa “wanasheria” waliokuwa katika Israeli tunao soma habari zao katika Luka 14:3 na maeneo mengine. Ni dhahiri kundi hili la watu lilikuwa limejitokeza katika Israeli katika nyakati za Agano Jipya kutafsiri Sheria ya Musa wakati watu wa Mungu walikuwa na maswali kuihusu.

Lakini hiyo inaonyesha tu jinsi watu wa Mungu walivyokuwa wamekengeuka kutoka kwenye njia ambayo Yeye alikuwa ameweka juu ya kuendesha mambo katika Israeli. Mungu alipotoa sheria, aliwawekea makuhani jukumu la kuijua, na kujibu maswali juu yake.

“Kwa maana yapasa midomo ya kuhani ihifadhi maarifa, tena yawapasa watu kuitafuta sheria kinywani mwake; kwa kuwa yeye ni mjumbe wa BWANA wa majeshi” (Malaki 2:7)

Kama Mungu angetaka kundi tofauti la watu wanaoitwa ‘wanasheria’ kujibu maswali kuhusu sheria, Angewaambia watu Wake waanzishe kundi hilo – lakini Mungu hakufanya hivyo! Kwa hiyo haishangazi kuona kwamba wanasheria katika Israeli siku zote walikuwa wanatupwa katika ‘nuru’ mbaya (Mathayo 22:35; Luka 10:25, n.k.). Bwana alisema, “…wanasheria walilipinga shauri la Mungu juu yao wenyewe, kwa kuwa hawakubatizwa naye” (Luka 7:30), yaani, Yohana Mbatizaji (mstari 29). Hiyo ilimaanisha kwamba wanasheria ‘hawakuokolewa’, kwa maana Yohana Mbatizaji alihubiri “ubatizo wa toba liletalo ondoleo la dhambi” (Marko 1:4). Na hiyo ilimaanisha kwamba wanasheria walikuwa wana uwezekano wa kutoa majibu yasiyo sahihi wanapoulizwa kuhusu sheria. Si ajabu Bwana alisema,

“Ole wenu, enyi wana-sheria, kwa kuwa mmeuondoa ufunguo wa maarifa; ninyi wenyewe hamkuingia, na wale waliokuwa wakiingia mliwazuia” (Luka 11:52)

Sehemu ya “ufunguo wa maarifa” uliowaruhusu Wayahudi kuingia katika ufalme wa mbinguni wakati huo ilikuwa kujua kwamba walipaswa kubatizwa ili kuokolewa! Wanasheria hao walipokataa kubatizwa, walishindwa kuingia katika ufalme huo. Na watu walipowauliza kuhusu ubatizo wa Yohana, waliwazuia kuingia katika ufalme huo, kama wao wenyewe, kwa kuwazuia wasibatizwe pia.

Bila shaka, katika andiko letu la Hagai 2, Mungu alimwelekeza Hagai kwa makuhani kuuliza maswali yake kuhusu sheria, na kutia nguvu mpango wake wa kama alivyokuwa ameuanzisha!

UTUKUFU UNA YEYE MUNGU MILELE NA MILELE AMINA.